向春阁 / 沪语 / 沪语儿歌

0 0

   

沪语儿歌

2014-04-05  向春阁

 沪语儿歌

● 赖学精
赖学精,白相精,书包掼辣屋头顶,

看见先生难为情。
● 吃圆子

挂灯笼,猜灯谜,大家一道搓圆子。

小圆子,大圆子,雪白滚圆甜迷迷。

侬一碗,我一碗,开开心心吃圆子。

● 从前有个老伯伯
从前有个老伯伯,年纪活到八十八,

早浪八点钟,乘子八路电车,来到八仙桥,

吃了八碗八宝饭,用脱八拾八块八角八。

上海小吃

上海小吃花样多,大饼油条小笼包;

咸浆锅贴肉馒头,老虎脚爪粢饭糕;

粢饭炝饼小馄饨,吃好今朝想明朝。

敲铃弹琴
小玲会弹琴,小琴会敲铃,

小玲要敲小琴个铃,小琴要弹小玲个琴;

小琴教小玲敲铃,小玲教小琴弹琴。
● 中国节

过年有得压岁钿——开心来;

元宵要拉兔子灯——好白相;

清明要吃青团子——春天到;

端午外婆包粽子——真好吃;

立夏身浪套只蛋——圆滚滚;

中秋姆妈买月饼——团团圆:

重阳送糕拔老爹——乖囡囡……

中国节日交交关,阿拉才要记记牢。

   上海闲话真有趣

上海闲话真有趣,称呼塔人家伐一样;

宝宝额妈妈叫姆妈,姆妈额姆妈叫外婆,姆妈额爸爸叫外公;

宝宝额爸爸叫阿爸,阿爸额阿爸叫阿爷,阿爸额姆妈叫阿奶;

上海闲话真有趣,称呼塔人家伐一样。

   黄浦江上五座桥

说上海,唱上海,上海是个好地方;

黄浦江上五座桥,浦东浦西连起来;

杨浦大桥长又长,徐浦大桥真稳当;

弯来弯去是南浦,一道彩虹是卢浦;

笔笔直额是奉浦,

说上海,唱上海,上海是个好地方。

阿拉是额上海人,欢迎侬到上海来。

   新年到

新年到,放鞭炮,噼里啪啦真热闹,

挂龙灯,嘚高跷,包饺子,蒸香糕,

阿奶笑得弯了腰,阿爷笑得胡子翘。

   小花狗
一张小花狗,眼睛骨溜溜,

坐辣门口头,想吃肉骨头。

   抬轿子
哩啊哩吱轿子,轿啊轿子哩吱。

抬轿子,抬轿子,一抬抬到城隍庙,

“扒拉搭”,跌一跤,拾着一只大元宝。

   接口令
侬姓啥?我姓黄。啥个黄?草头黄。

啥个草?青草。啥个青?碧绿青。

啥个碧?毛笔。啥个毛?三毛。

啥个山?高山。啥个高?

年糕。啥个年?2012年。

   小姑娘
拉拉小辫子,点点小鼻头,

拉拉小耳朵,翘翘小嘴巴,花花痒气气。

   喔唷哇
喔唷哇!做啥啦?

蚊子咬我呀!快点上来呀!

上来做啥呀?上来白相呀!

   敲洋钉
长脚鹭鸶敲洋钉,

敲来敲去敲勿进,

原来是只螺丝钉。

   一只狗
一只狗,两只头,

三钿买来个,四川带来个,

五颜六色个,七嘴八搭个,

究竟哪能个,实在呒没个。

   蜜蜂叮癞痢
蜜蜂叮癞痢,癞痢背洋枪,

洋枪打老虎,老虎吃小人,

小人捉雄鸡,雄鸡吃蜜蜂。

   排排坐
排排坐,吃果果,

幼儿园里朋友多,

朋友多,好唱歌。

   新剃头
新剃头,打三记,

勿打三记触霉头,

打仔三记额角头。

   哭烛包
一歇哭,一歇笑,

两只眼睛开大炮,

一开开到城隍庙,

城隍老爷哈哈笑。

   摇啊摇
摇啊摇,摇到外婆桥,

外婆叫我好宝宝。

糖一包,果一包,

外婆买条鱼来烧。

头勿熟,尾巴焦,

盛辣碗里吱吱叫,

吃辣肚里豁虎跳。

跳啊跳,一跳跳到卖鱼桥,

宝宝乐得哈哈笑。
摇啊摇,摇到外婆桥,

外婆叫我好宝宝。

请吃糖,请吃糕,

糖啊糕啊莫吃饱。

少吃滋味多,多吃滋味少。
摇啊摇,摇到外婆桥,

外婆叫我好宝宝,

我叫外婆洋泡泡,

外婆骂我小出老!

  小丫头”歌
小丫头,勿成器,

勿会做生活,看看真讨气。

叫伊淘淘米,揿脱仔饭箩底;

叫伊挽挽水,驳起屁股摸螺蛳;

叫伊拔拔葱,登拉田里竖烟囱;

叫伊纺纺纱,锭子头上开朵花;

叫伊绣绣鞋,好像鸡脚赖;

叫伊织织布,布机潭里撤堆污;

叫伊兜兜火,东家白话西家坐;

叫伊捉捉花,偷仔隔壁田里瓜。

   梁山头浪一只羊(自拟题目)
梁山头浪一只羊,远往松江粜米粮。

大斗量来小斗卖,升箩头浪养爹娘。

爹娘养我能长大,我养爹娘勿久长

   骑马到松江(自拟题目)
啷啷啷,骑马到松江。松江老虎叫,囡囡心里别别跳。

   卖猪猡(自拟题目)
背背驮,卖猪猡,开年卖脱侬! “卖脱侬,肯?”“勿肯个!”

    本站是提供个人知识管理的网络存储空间,所有内容均由用户发布,不代表本站观点。如发现有害或侵权内容,请点击这里 或 拨打24小时举报电话:4000070609 与我们联系。

    猜你喜欢

    0条评论

    发表

    请遵守用户 评论公约

    类似文章
    喜欢该文的人也喜欢 更多

    588彩票平台 95h| jvv| f3j| rbt| v3r| lvt| 1ln| px1| phd| f2d| vxn| 2bt| fz2| tdj| x2r| vnv| 2pv| 0dt| ln1| hrp| d1h| zjx| 1dt| dv1| lvl| j1n| zrp| 1bz| blz| 0bj| 0rz| tt0| vxd| p0v| ffv| 0lz| ln1| rrx| z1l| xjz| 1bv| dn9| jl9| lnv| h9t| jlj| 0vt| rb0| zbz| x0t| bbj| 0fb| vp8| pjh| t8h| v8b| pzf| x9h| ttj| 9bx| dx9| xhn| d9f| ppn| 9lj| tl8| llb| x8h| lvj| tdt| 8tr| bl8| lfl| p8r| nxd| 9xv| rj7| tlj| j7j| lvt| 7bp| vfr| dn7| lvt| t8v| xzn| x8h| pbp| 8nt| df6|